هذا شعر مؤلم جدا ونادر لشاعر حربي الضفيري يقول فيه
جلست بضيقتي وحدي افكر في بداياتي
على شاطى البحر جالس وكان اليوم بغروبه

على الشاطى جلست احسب جروحي وكل خساراتي
وكان الوقت حزتها مطر وقلوب...مرعوبه

وكانت طفله اصغيره بجنبي تقرا حسراتي
كأن الضيقه في وجهى وهي بالروح مكتوبه

تذكرت الحبيبه يومها خلتني بأهاتي
بعد ما جتني تشكي لي تقول اليوم مخطوبه

وعرسي..في شهر(واحد) وضاعت كل حيلاتي
وامي اعزمت ناسي ولعرسي جهزوا ثوبه

تقول ارجوك أبي تحرق صوري مع رسالاتي
وفراقك ماهو بكيفي وانا والله مغصوبه

وقالت خذ وعد من دمعي المقهور بسكاتي
اموت بحبك الغالي وارد احيا على دروبه

وقالت..مدري وش قالت ...انا ميت بلحضاتي
خنقني الهم في صدري وشفت الدنيا مقلوبه

أبستوعب ولاني قادر استوعب نهايااتي
أبي ذرة فرح لكن لقيت الفرحة مسلوبه

تساوت دنيتي بعيني تساوى الماضي باالاتي
ما دام ان العيوب اليوم ترفع ناس معيوبه

رجعت لغرفتي بين (الاثاث) وبين شمعاتي
اناظر كل رسايلها وقلت...؟ان كان لي حوبه

يا عل اللي خذاها ياخذه ربي من ادعاتي
يشوف اللي انا شفته ويصير الهم مشروبه

بكيت وما لقيت اللي يواسيني بدمعاتي
وشكيت الجرح للدنيا ولا منهو لفت صوبه

ما غير(أمي) تحاول بس تخفف لي معاناتي
وبكت شافت حياة اوليدها للموت مطلوبه

يا دنيا بس خليني ابي ارتاح في ذاتي
انا كني على الدنيا خلقتني ربي اعقوبه

ابنسي واطوي الذكرى ابدفن كل حكاياتي
ابمشي وما أبي احد وهي توبه بعد توبه

ابقطع سيرتك واطلب من المولى بركعاتي
يصبرني على غيابك واعيش بدنيه محجووبه

وانا قلبي يا عمري تاب وعزم يجمع اشتاتي
واذا قلبي طلع مذنب ترى انتي اعظم اذنووبه

إهـــــــــــــدآء خــآص لحبيبت قلبي عـج ـآيب
سوق المباركيه يابنت الحجيه :p

يا عل اللي خذاها ياخذه ربي من ادعاتي
يشوف اللي انا شفته ويصير الهم مشروبه


أدعج غنج .. سلمت يمناك وصح لسانه ..

حالة شعرية محزنة .. وتعبيرٌ شجي عن الوجد الذي تمكّن في قلب شاعرنا .. فـ خسارةُ كهذه ، وبهذه الطريقة القاسية جرحٌ للمشاعر والأفئدة .. وناراً اشتعل لهيبها في عقول وصدور المحبين ..


أسأل الله أن لايأتي هذا اليوم بيني وبينك .. وأن يوفقنا لما يحبه .. وأن يجمعنا على خيرٍ برضاه ( ان ما حصل في الأرض .. فوق يحصلي ) وأن يدوم هذا الحب قصةً سرمدية يتغنى بها أطفالنا من بعدنا ..


دمـت لـ قلبي بـ حُب .. ومالك إلا سوق المباركيه//:://ياولد الحجيه :$

الله يهنيكم
وشاكرة لك على القصيدة
تقبلي مروري
هبهوبه