تمنيتك علي تقبل .. أشوفك مبتسم فرحان
وأشوف أهلك يغنوا لك ولدروبي يزفونك ..


وتزيد بقلبي نبضاته ويحمر وجهي الخجلان
ويرعش جسمي بقدومك وأقول امشي على هونك ..


واملاك السما تحفك بنور الرازق المنان
عليك اسم الله يالغالي وعمت عين اللي يحسدونك ..


تسابق لجلي خطواتك تجيني محترق لهفان
وأحط يدي على قلبي واقوله جاك مفتونك ..


وتفتح طرحتي بيدك وأتوه بسحرك الفتان
ياعمري والله خجلانة وميته بنظرة عيونك ..



يريحني كلامك لي ياما حلا ليلة العرسان
وتعاهدني بتوفي لي وأعاهدك أني ما أخونك ..


مضى عمري وأنا احلم وأظم طيوفه بالأحضان
واسأل ليلى يا ليلى شسويتي بمجنونك ..


تحقق نصف حلمي بك وشفتك مقبل وفرحان
وشفت اهلك يغنوا لك.....وللحلوة يزفونك ..


خنقت بنفسي عبراتي وخنقني قلبي الغيران
وحبست دموعي في عيني وقلت امشي على هونك ..


فضحني صوت شهقاتي ورجيت الواحد الديان
يخليها ويقدرني أضمّد جرحي من دونــــــــك ..


أشوف شلون تضحك لك وقلبي يشتعل نيران
دعيت الله يهنيها معاك وتجلي شجونك ..

وأنا منهو يهنيني ويداوي قلبي الوجعان
أنا ونيت يوم أني سمعت إخواني يطرونك ..


غديت بغبنتي وحنيت وصفت إحساسي للجدران
رحلت وربي ما ضنيت مصيري غيري تصونك ..


وناديتك ولا لبيت وتخالط شوقي بالهجران
بتنهيدة أنا ترجيت لي ربعي يجيبونك ..


يقولون ادفني ذكراه وانسي اللي خان
قسم بالله ما انساك ولو هالكون ينسونك ..


تروف بحالتي سارة وتحلف والله هو خسران
يواسوني رفيقاتي يقولن كلنـــا عونــــك ..


كبيرة بعين كل ربعي أموت وعزي ماينهان
كذا تخليني أصغرهم مع فلانة يلقونك ..


أنا مابي مهر منك ولا شبكة ولا فستان
طموحي احتضن حزنك وازين بالهنا كونك ..


أبيك تكون لي وحدي بديره مابها سكان
تنومني بوسط عينك وتلحف جسمي بجفونك ..


غناتي ليه تاخذها وتشمت فيني العدوان
وش اللي ساومك فيها وصغر شخصي بعيونك ..


وش اللي مو حلو فيني..؟؟ كسرت بخاطري يافلان
خبر عرسك قضى فيني هلكت قليبي بطعونك ..


(مزن )ضميتها وبليت شعرها بمدمعي الهتان
ياعمري خلو الخالة وعساهم ما يخلونـــــــك ..

يهون عليك ترخص بي وتجازي طيبتي بنكران
عشقت اهلك على شانك ولمت اللي يلومونك ..


أسفه والله أسفه مكتوب أهيم بسكة الأحزان
ومكتوب تلقى بنت ناس تعيش بدالي في كونك ..


ياشين اللحظة ذي والله تمنيت ألبس الأكفان
وأشوف الظلمة في قبري ولا بغيري يهنونك ..


يبين ارجوووك خذ روحي ونادو يا هلي الدفّان
ابيك تحس بجروحي.. وبتابوتي يمرونك ..


أبيك تشيل تابوتي على كتفك يغصن الـ بان
وتعرف قدري بموتي وتدمع لجلي عيونك ..


للأمانه : منــقـــوول

يريحني كلامك لي ياما حلا ليلة العرسان
وتعاهدني بتوفي لي وأعاهدك أني ما أخونك ..

الاخت عجايب ,,,

صح لسانج قصيده جدا جميله
ومنها التقدم والاختيار في اجمل القصائد

لك احترامي ..

اخوك

تريلة شوق

الله يعطيكـ العافيه أختيےالمتألقه عَـ جَ ـآيـْب (http://www.al8z.com/vb/member.php?u=12641),,

قصيده قمــه فيےالرووعــه ,, تم مصادرت مجموعه منها,,

لكـ منيے خالص المحب هوالتقدير ,, وجزيل الشكرلعطائك ـالمميز ,,

دمتيے ودامابداعك ـوعطائكـ ,,

بانتظارجديدك ـالمميز ,,

تقبليے مروريے ,,

أخوكــمطيري وربي الله

تسابق لجلي خطواتك تجيني محترق لهفان
وأحط يدي على قلبي واقوله جاك مفتونك ..

وتفتح طرحتي بيدك وأتوه بسحرك الفتان
ياعمري والله خجلانة وميته بنظرة عيونك ..

"
"
"
اشكرج على القصيده الجميله
واتمنى المزيد القصائد الجميله
وانا بانتظار جديدج
تقبلي مرووري

تريلة شوق


صح بدنك .. أتمنى أن تكون القصيدة قد ألهمتك الإحساس الشعري
الذي تمنيت أن يصل إلى قلوبكم قبل عقولكم ..


أمتعني تواجدك .. وأمتعتني كلماتك الجميلة .. دمت بـ حب

مطيري

التألق تألقك .. والنور نورك ..

صادر الأبيات .. وصادر مشاعرنا ..

" كـلهن حلالـك "

دمت بـ حب

ما يهآب

يمتعني جداً تواجدك في متصفحي ..

أسعدني مرورك عزيزي ..

دمت بـ حب

أشوف شلون تضحك لك وقلبي يشتعل نيران
دعيت الله يهنيها معاك وتجلي شجونك ..
يعطييج الف عاافيه خيتووه
الله لا يرحمناا منج يااارب
و ربي القصييده واااايد حلوه و انتي احلى يالغلا
تقبلي مروري قلبوو

يعطيك الف عافيه
قصيدة في قمة الروعه ومميز
صح لسان كاتبها

تقبل مرووري
ليلي ألم

خنقت بنفسي عبراتي وخنقني قلبي الغيران
وحبست دموعي في عيني وقلت امشي على هونك ..


فضحني صوت شهقاتي ورجيت الواحد الديان
يخليها ويقدرني أضمّد جرحي من دونــــــــك

يعطيج العافية قصيدة جميلة
سلمت اناملك وسلم حسك المرهف

عجايب ههههههههههههههههههههههههههههههههههههههههه ][ المشكله مايدرون لمنو كل هذي الابيات ][
أويـــــــلآآة
صح لسانج حبـي والله عجبتيـني
وراح إعطيج رد ع هذي الكصيده

تسلم ايدج قصيده حلووه

أموت ع شجونه


يعافيكِ .. أسعدني تواجدك الجميل في متصفحي ..

دمتِ بـ حب

ليلي ألم

أشكـرك على التواصل في ثاني قصيدة تتابعها معي ..

صح بدنك .. شكراً لمرورك ..

هبهوبه

أسعدني مرورك ..

أدعج غنج

وما أدراك ما أدعج !

كل حروفي لك .. وكل تعبير لمشاعري لك ..

أنت فقـط !

صح بدنك .. وياويل حالي على وجودك بحياتي ..

" عسى الله لا يجيبه من يوم "

بإنتظار ردّك يا عشق فؤادي

دمـت لـ قلبي بـ حب !

العندليب

الأحلى تواجدك في متصفحي ..

دمـت بـ حب

ياعلوو خير ياحي ويابعد حي وصح لسانج يالغاليه وهذا الي عوتينه عليه قصيد جزل ياجززل

أخجلت تواضعي يا ذا القلب الـنقي :$

زدت متصفحي تألقاً ونوراً ..