هل من المنطق إنك تضحي بنص معاشك لمدة 15 سنة علشان تركب سيارة تقز فيها (
> >يعني إنت تشتغل نص السنة علشان سيارة تخيل دربك كل يوم الدوام والمغثه تسوى
> >علشان هالشي ) ؟ · من المنطق إنك تشرب قهوة بدينارين بكوفي شوب وما عندك إلا
> >جم دينار تقزر فيهم لي آخر الشهر ( بتموت يعني إذا ما شربت قهوة شفيه
> >النسكافيه ) · في شعب بالعالم يسافر بأقساط ؟ · في شعب أغلب البنات ما يطلعون
> >إلا بمكياج ولبس عالآخر ( كل العالم ما عدا الخليج ما يحطون مكياج إلا
> >للحفلات والسهرات والطلعات الخاصة اللي من سنة لي سنة ) · في شعب بالعالم
> >البنت فيه تروح الصالون طول الأسبوع ( لا وتلقاها بالغصب تنبلع ) · في شعب
> >بالعالم يتجمع كله بمجمع واحد بيوم واحد لوول ( إذا عندك أحد مضيعه أو مو
> >لاقيه أو تطالبه فلوس وما يرد عليك روح المرينا يوم الخميس تلقاه ) · في شعب
> >بالعالم كل فرد فيه عنده خبره بالسياسة والانتخابات والبورصة والرياضة والموضة
> >والسيارات وما عنده أي خلفية علمية عن أي شي ثاني · في دولة بالعالم شعبها كله
> >يسافر بالصيف وتصير صخه ( ويقولون ماكو أحلى من ديرتنا ) · في شعب بالعالم لمن
> >يرد من السفر كل البنات على خشمهم لزقه ومسوين عمليات ( جنه الختم مو عالجواز
> >عالخشم ) · في شعب بالعالم ما يلبس إلا ماركات وكل اللي لابسينه الناس يقولون
> >عنه تقليد ؟ · في شعب بالعالم الشباب فيه كلهم مجسمين ؟ · في شخص بالعالم يجسم
> >خلال شهر ويقولك آنا ما آخذ كورس إبر ولا حبوب وشغلي طبيعي ؟ · في شعب بالعالم
> >الكل يكره فيه بعض ( أتمنى أشوف أحد يبتسم للثاني ) · في شعب بالعالم كل ما
> >تهاوشت مع واحد فيهم قالك أوديك ورا الشمس إنت ما تدري قاعد تكلم منو ( شنو
> >الديره كلها ناس واصلين )؟ · في شعب بالعالم ثلاث ارباع بناته بأقل من سنة
> >صاروا يتكلمون مثل حليمة وتقولك آنا من زمان جذيه ؟ · في شعب بالعالم يختفي
> >حرف الراء من عنده فجأه على بو دلع ؟ · في شعب بالعالم البنات يقولون الشباب
> >مو كفو والشباب يقولون نفس الحجي ؟ · في شعب بالعالم البنت ما تدق فيه إلا رنة
> >وفاتورة الريال بالإميات ( وإذا رديت عليها سكرته بويهك على بو دق علي ولا
> >طولت وآنا أدق وما رديت ) ؟ · في شعب بالعالم مافي أحد يعرف يسوق سيارة إلا
> >واهو يتكلم بالتلفون ؟ · في شعب شبابه كل ما واحد شاف بنت بالشارع قال آنا
> >مكلمها ؟ · في شعب بالعالم البنت ما تطالع الريال فيه إلا علشان سيارته ؟ ·
> >في شعب بالعالم يهدون بيوتهم وتصير مهجورة بالشتا ويعيشون بالبر · في شعب
> >بالعالم كل بيت فيه يمه طراد وبانشي وسيكل وجت سكي ؟ · في شعب بالعالم
> >بالمرحلة الابتدائية ما عندهم نجاح وسقوط ؟ · في شعب بالعالم عندهم شهادات
> >ثنوية وجامعية وما يعرفون إنجليزي ولا لغة عربية ( فهموني شلون نجح ) ؟ · في
> >شعب بالعالم اللي يقطونه بالزبالة أكثر من اللي ياكلونه ؟ · في شعب بالعالم
> >تسأله شنو هوايتك يقولك يا كل شي أو مادري ؟ · في شعب بالعالم نسبة الطلاق فيه
> >أكثر من 55 % ؟( الله يستر علينا من سوء الاختيار والله ) · في شعب بالعالم
> >كل ما تسأل بنت شنو مواصفات فتى أحلامج تقولك أبي واحد موتر وجسم وحلو وفلوس
> >وولد عايلة ومنصب ويخليني على كيفي ويسفرني كل عطلة وما يقعدني بالبيت ويصرف
> >علي (وتلقاها جيكره وشهادة متوسطة ومن عايلة الله يستر عليها ) · في صبي تسأله
> >شلون تبي مرتك يقول ستايل وتعرف تلبس وعندها موتر ( تبي تتزوج ولا تصور فيديو
> >كليب؟) · في شعب بالعالم يتطنزون على بعض كثرنا ؟ · في شعب بالعالم كل ما شاف
> >واحد ضغطه ؟ · في شعب بالعالم مخالفاته كل شهر أغلى من قسط سيارته ؟ · في
> >دوله بالعالم من أكبر الدول المصدرة للنفط وما عندها كهرباء ( نبيه أخضر
> >الظاهر الوزير عرباوي ) · في دوله بالعالم يطالبون بإسقاط القروض ؟ أي في
> >....
> > الشعب الكويتي الله يهدينا ويصلحنا
> >
> >
> >

مع تحياتى لكم