أسولف للقمر عنك .. ويضحك لي

ألومه .. وأطلبه يسكت .. ويضحك لي

غريبه ليش يضحك لي

وأنا حزني أشوفه فيه

غريبه ليش مايحزن

لحزني دامني مخاويه

والأغرب من كذا إنه

إذا ناظرت له يضحك

تجاهلته .. ورجعت لعزلتي

أرسم غيابك .. بيت

وأرتب هالخيال .. إحساس

سكن هالبيت .. من جرحك

ومن جرحك .. خلى هالبيت من هالناس

حياتي وروحي وقلبي .. وكل إحساس

سطى فيهم من غيابك

ومن حزن الغياب


اليأس .. هدم بيتي وأنا توي

أحاول أرسم المدخل لصرحك

من فكر جوي

ومن جرحك

ومن غياباتك ومنك

تركت اللي رسمته فيك

ورحت بنظرتي عنك

أسولف للقمر .. عنك

وهو يضحك .. !!

وأنا اللي ماأشوف الحزن إلا فيه

لأنه .. فيه منك وفيه

من ملحك ..

وهو يضحك عرفتي ليه

يــ ـــ ـــقـــ ـــ ـــول

اللي تقول إنك ذبحته بغيرته منك

ترك وماسأل عنك

وأنا اللي به تشبهني

وتقول إنه يساويني

جلست أواسي جروحك

وهو خلاك وبروحك

لك الله لاتقول إنك مخاويني

أنا اللي شفت محبوبك تخلا عنك وخاويتك .. !!

تجاهلني إذا ودك

ورح كمل رسم بيتك

وأنا بــ أضحك ..

على حال الهواويه

وعلى جرحك .. !!

مشكوووره العاشقه ع الكلمآت الحلووه ..
وعسآج ع القوه ..

^.~

سلمت يمناااااكى يعطيكى الف عافيه


تقبلى مرورى البسيط

يسلموووووووو يالغاليه

على هيك طرح

تسلمووووووووون يالغوالي ..
مروركم اعطى للموضوع لمسه فنيه ..
وتواصلكم يزيد من جمال الخاطره وروعته..
لاعدمتم ولا هنتم..

يسلموووو يعطيك ال عافية

عدل عدل
خوش موضوع يعطيج العافية

سلمت أناملك على هالخاطره الرائعه