خـلي هجرني تكفى ياموت زرني
وان ماقدرت دلني مكانك وانا اجيك

مابي حياتي دام خلي هجرني
مابي حياتي دامه يقول مابيك

يدري بظلم الناس يدري وظلمني
واكـّد كلام اللي يقولون ناسيك

لكن قبل لاتاخذ الروح مني
بسأل حبيبي كم سؤالٍ واخاويك

وشلون قلبك ياحبيبي تركني
وتدري خفوقي كم له سنين هاويك

وماتدري بعادك وصدك ذبحني
وماتدري عن دمع نثرته وانا ارجيك

اسأل جميع الناس وشصار عني
اسأل وش اللي صار في حال مغليك

لو عاش عاقل عيشتي كان جَـنـّي
حالي لو تشوفه بعينك يبكيك

لو علموك وش كثر قهري وحزني
من يوم حبي إنتهى وصار ماضيك

لو علموك عن قلبي اللي يونـّي
مطعون يصرخ يشتكيلك ويناديك

صار الحزن هو لعبتي صار فــَنـّي
ابكي ندم والله لا حل طاريك

ضيقة صدر ويّا الهموم اسكنتني
احكي واكمل ولا ماقلت يكفيك

اللي سمعته بسبـّـتك انت جتني
عطيتني كرهك وأنا الحب معطيك

ضاعت سنين وأنا بالحب ابني
قصور وانهدت سبب فعلة ايديك

جاك الوفا والحـب والعشق مني
حتى الوله والشوق والصدق مهديك

قلبي وفالك وانت قلبك خدعني
خدعت قلبٍ كان بالحب شاريك

كذب وخيانه وغدر قلبك حضني
في وقت قلبي فيه يسهر يداريك

ماكنت أظن قصدك بحبك تذلني
ذليتني من عـقب مامتّ انا فيك

هذي حقيقة بعض مامنك جتني
وبعض الذي اسقيتني سمّ بإيديك

ماكنت ساكت خايف بس لأني
ميّت بحبك ما أقدر ازعلك واشقيك

حرّمت اقولك من محبتك عطني
مدام غيري في محبته مرضيك

ببعد بعيد وأوعدك ما أحنـّي
أبشر اببعد ومع حبيبك بخليك

وأبي مماتي ياخذ الروح مني
تاركلك الدنيا بها الله يهنيك

وإلـيـا سأل في يوم أنـا إنسان عني
قـله توفى والسبب طعـن بيديك

لو علموك عن قلبي اللي يونـّي
مطعون يصرخ يشتكيلك ويناديك

صار الحزن هو لعبتي صار فــَنـّي
ابكي ندم والله لا حل طاريك

يسلمووو يا الغلا عالقصيده الررووعه والحلوه زيك
بس عنوانها حزني مرره

صح لسانكـ ..,

اخييه صج صج كلمات مؤثره
تسلم اناملج:)

تسلمو كثير كثير عـ الرد و المرور

وماتدري بعادك وصدك ذبحني
وماتدري عن دمع نثرته وانا ارجيك

الله يعطيج العافيه على القصيده المؤثره
والجميله
تقبلي مرووري